唔好以為社區中心一定好平民化，八方早前寫過嘅跑馬地富貴禮頓山社區會堂終喺噚日開幕，而且請得新貴民政事務局局長何志平主禮。
開幕儀式後，灣仔民政事務助理專員黃敦明拉小提琴，同鋼琴合奏，表演一首《梁祝》。同樣拉得一手好小提琴嘅何志平，雖然排排坐欣賞一番，但無即場獻技。佢老兄話要等遲啲有機會先喎。講開表演，何志平就最鍾意傷健小朋友合作嘅敲擊樂。
至於政府成日想再推出嘅賭波合法化，何志平就話會關注各方意見，同時也要疏導唔同界別聲音。愛好音樂嘅何局長，看來遲一陣子要來一番調音功夫哩！
傳真︰2623-9278
電郵︰