黃佩霞近日忙於拍攝電影《新赤裸羔羊》，因而認識該片一個外籍幕後工作人員Augustine，二人前晚更相約往中環出席FranckMuller派對狂歡。黃佩霞坦承最近常與Augustine見面，又大讚對方風趣幽默，和他相處很開心。
名表FranckMuller前晚於中環新店舉行開幕派對，出席名人包括黃佩霞、李萬祺余安安夫婦、馮國經千金馮詠儀偕夫婿、GucciGroup高層潘鄧婉穎的兒子潘熾恆偕女友、Fendi公關要員劉清儀及丈夫譚家和等。
近日忙於拍攝王晶新片《新赤裸羔羊》的黃佩霞是夜與一班好友赴會，身穿白色性感小背心的她與一名外籍男子更表現親密。
記者昨日致電黃佩霞，她大方透露該名外籍男伴的身份，她說：「佢叫Augustine，係電影《新赤裸羔羊》嘅幕後工作人員，我今次喺《新》片係飾演MaggieQ同安雅嘅導師，日日開工同Augustine見面咪熟咗囉。前晚我見好耐冇見一班模特兒好友，咪約埋一齊食飯，然後去party囉。」
問黃佩霞對Augustine的印象如何？她說：「佢個人好得意，同佢一齊都好開心，佢喺香港朋友唔係咁多，我哋呢排的確係成日見面。」問她既然對Augustine印象不俗，二人會否發展成情侶？她笑說：「咁又未到呢個階段。」
談及近況，黃佩霞除了忙於照顧她與前男友Cosmo生的女兒Camelot外，由模特兒變身為高溫瑜伽導師的她早前專程往美國考獲瑜伽教練牌照，她說：「喺嗰邊考牌真係好辛苦，但係為咗省靚學校嘅招牌，辛苦啲都要啦。」談到她在中環投資開設的瑜伽學校，她說：「我重打算喺銅鑼灣開間分校，我會堅持每日最少教一堂，因為唔想生疏。」
此外，李萬祺余安安夫婦前晚表現親密，對於有傳聞指其實他兩夫婦已分開居住，李萬祺說：「呢個問題我真係唔識答，你哋鍾意嘅咪跟住我返屋企，睇吓我喺邊度過夜囉。」