最近，雷諾車廠公布咗關於新款MeganeⅡ嘅資料，新車嘅造型設計，除與我們早前曾作介紹嘅相類似外，全新設計嘅車廂及敞大雙天窗布局，亦見有一份吸引性，當然唔少得重有多個引擎配搭供用家選擇啦。
新車造型略帶有同廠Avantime及VelSatis嘅影子，而家族式鬼面罩及炯炯有神嘅頭燈，望落亦見突出吸引。車廂布局方面，不但設備配搭上有所改良，用落就手方便外，車廂空間亦較來得更寬敞，加上承托力甚豐嘅座椅，乘坐倍見貼服舒適；另外，敞大雙天窗組合亦能予人有親近大自然嘅方便呢！廠方亦為選擇MeganeⅡ嘅用家，提供有包括1.4公升（98匹）、1.6公升（115匹），以及一台2.0公升（136匹）引擎作選擇，以迎合不同需要。然而，新車嘅三門及五門揭背版將會於今年秋季推出，而到2004年時，MeganeⅡ將會共有七個型號供用家選擇，各位車迷不妨拭目以待喇。