今年的書展認真熱鬧，經濟不景一啲都冇影響大家逛書展嘅興致，連中總出百年史書，都揀咗喺書展會場揭幕。
人頭湧湧，地方係就係迫夾啲，但係都好多人捧場，霍英東呢位前會長同現任會長陳有慶就梗係有嚟啦。呢本百年史由江主席題字、老霍題序、董特首題籤，見證咗中總由一九○○年華商公局演變至香港華商總會，在戰後再正名為香港中華總商會嘅歷史；成本書由三位浸會歷史系教授寫咗兩年幾三年，因為戰亂有唔少資料流失咗，八方聽講佢哋喺搵資料初期都遇到啲困難。
即使老霍係國家領導人，但係都冇得優先攞書，結果噚日有人問佢對百年史的評價，佢只有坦白話自己冇睇過。唔只冇睇書，好多嘢佢都唔會沾手，好似有人問到佢十姑娘告何鴻燊單嘢就笑笑口話：「我𠵱家要搵報紙睇先！」
（圖）霍英東（左）同陳有慶都係中總元老，兩位老人家對中總出版百年史都表現得好雀躍。
傳真︰2623-9278
電郵︰