邊個話打籃球嘅女仔係「男仔頭」？爭緊NikeLeague女子十九歲或以下組后冠嘅，就大把「睇得又打得」嘅小女將，𠵱家就同大家介紹其中幾個，她們就是火鳥嘅郭嘉靜同尤雪芬、銀羚嘅譚崇延和藍鯨林小玲。
女同學打籃球一定有咁嘅經驗，俾男同學冠以男人婆、牛黃妹，去街場打波俾男仔「撩」，不過只要你喜歡籃球，全部都可以當耳邊風；銀羚隊嘅譚崇延就有上述經驗，她說：「喺學校練波，就會俾男同學笑男人婆，又笑我大份，不過我就冇理到佢哋，因為佢哋都唔識打波。」
波齡只有一年半的火鳥隊成員郭嘉靜亦表示，有次喺學校練波，唔小心「食波餅」，俾旁觀的同學笑；雖然她有少少嬲，不過因為打波可以識到好多朋友，所以絕不介意。相比之下，火鳥隊的尤雪芬就幸運得多，她說：「我們校隊攞過好多獎，男同學羨慕都嚟唔切，重點會笑我哋。」
而第一年參加NikeLeague的林小玲，加入了人材濟濟的藍鯨，她十分開心參與高水平的比賽，而且一大班隊友都好團結齊心，互相支持，最開心是大家分享贏波嘅喜悅。原來小玲都曾經俾家人取笑愈來愈粗魯，不過一點也沒有動搖小玲熱愛籃球的心。
蜜運都係女仔最關心的事情，原來四個小妮子中有三個都沒有拍拖，只有譚崇延有男朋友，不過她們三位異口同聲表示，不擔心因打波而找不到男友，反而沒拍拖更可專心讀書；而譚崇延更十分淡定，原來她的男友亦是打籃球，當然志趣相投啦！
採訪：盧漢傑、李勇明、王子俊