陳淑蘭（蘭子）昨日三十三歲生日，但前晚她生日前夕撇甩男友William，跟舊愛祁文傑在金鐘撐枱腳兼睇戲。祁文傑更送上一隻價值七千八百元的Bvlgari手表賀蘭子生日，認真大手筆。
陳淑蘭（蘭子）昨日三十三歲生日，據知昨晚她相約工程師男友William和一班朋友在尖沙嘴半島酒店慶祝，William昨日送了一束玫瑰花到香港電台賀蘭子生日。不過前晚蘭子卻先與舊愛祁文傑預祝生日。
蘭子前晚與祁文傑在金鐘太古廣場逛街，二人先到西武金輪錶行，祁文傑更買了一隻價值七千八百元的Bvlgari名表，給蘭子做生日禮物，認真大手筆。
當蘭子發現記者在表行外拍照，她即時與祁文傑分開，然後說：「唔好影，唔係幾方便，你知我𠵱家係個有家室嘅人。不過，如果要影，你可以影我新出嗰兩本書。」蘭子即時從手袋取出一本她寫的新書，爭取宣傳機會，又表示準備送書給祁文傑。
其後，蘭子和祁文傑到附近的RUTH'SCHRIS扒房共晉晚餐，飽餐後二人往UA金鐘戲院看由鄭秀文和劉青雲主演的新片《我左眼見到鬼》。
記者昨日致電蘭子，問她前晚跟祁文傑預祝生日是否很開心？蘭子笑說：「開心，不過我都希望記者可以留番啲私人空間畀我。」對於祁文傑送名表做禮物，蘭子說：「佢一路都好有我心，原先佢已經喺歐洲買咗條鑽石頸鏈畀我，但係我唔鍾意，所以祁生（祁文傑）嚟表行前問過我要獎金定獎品，我結果揀咗想要隻新手表。」
蘭子昨日生日跟男友William共度，但不是過二人世界，問她不怕William呷醋？蘭子說：「Willliam一向都好大方，佢尊重我同朋友交往，而且要過二人世界，真係晚晚都得。」
採訪：比華利、何永寧
攝影：羅德光