方力申（Alex）昨日到旺角香港保護兒童會運動室，出席「愛心滿『足』探訪」活動，身為「Reebok愛心大使」的方力申，與現場近五十名小朋友玩遊戲。
Alex向記者表示，自己小時候每年只得一對新波鞋，他說：「每年阿媽只會買一對鞋畀我，不過我用咗一條妙計呃多對，我會坐喺滑板上面，然後用鞋踭磨落地下，之後就同阿媽講對鞋爛咗，咁就可以呃多對新鞋嘞。」
有報道指，由於蘇永康牽涉搖頭丸事件，故《百份百感覺》的海報未有加上其名字，Alex指自己毫不知情，他說：「我唔知呀，不過康仔戲份都唔多，佢只係客串少少，但係我諗唔會因為咁而唔寫佢個名。」
採訪、攝影：汪正文