「呢單官司係唔係因財失義，係要睇一個人本質，佢無中『三T』或者都會有第啲嘢。」
黃浩潔對前夫關其抗了解很深，取得判詞後心情輕鬆，她表示：「冇錢嗰陣冇人嚟打招呼，有錢就好多人諗住嚟分一杯羹……我𠵱家將希望放喺三個仔女身上，如果佢哋唔生性，我或者靠政府養囉。」黃浩潔慨歎，現在仍有人慫恿前夫向她興訟，希望打她主意謀取金錢。
曾在內地教書的黃浩潔現須獨力照顧就讀中學的三名子女，已沒有工作數年，她坦言「如果唔係掹住啲錢，啲仔女𠵱家點算？」黃指前夫對是非從不清楚，略有「橫財命」賭馬中彩，寧願把錢亂花掉，卻要她和子女吃從酒樓撿拾回來的殘羹剩菜，又對妻子兒女粗言穢語及暴力責打，中「三T」後更北上「包二奶」，向舅仔及岳母興訟，終令她忍無可忍；「有咁多錢都冇晒，佢從來唔會後悔」。
黃浩潔承認離婚與官司是兩件事，對她和子女影響極大，現時生活才稍為正常。正等候會考放榜的大女兒提到父親時，亦淡然說「佢主動嚟搵我哋咪見佢囉」。
本報記者