星級教室:贏百萬要投資

星級教室:贏百萬要投資

之前我已經一連幾日同大家講咗玩《百萬富翁》嘅竅門,唔知大家又有冇諗過,如果真係畀你攞咗一百萬之後,你跟住會點做?有冇諗過可以將呢一百萬變成更多更多嘅錢呢?

最好買債劵
依我個人建議,最好就係投資,但絕對唔係風險大嗰種,買債劵就最穩陣。如果你手頭上有一百萬嘅話,不妨用九成嚟買債劵,然後剩低嗰一成,就可以買高少少風險嘅股票,萬一有啲乜嘢事,都未致太傷,而且,買債劵總好過擺喺銀行收息,正所謂「錢財識運用,包你唔會窮」!
(五之五)
明日預告:蘇民峰
口述:陳啟泰
筆錄:戴彩煥
攝影:羅德光