興起本地創作大概是近兩年的事；兩年前還是Cheap爆的日文Tee當道的歲月。理你是憎死裏原宿的一群，卻多得裏原宿令廣大後生仔女可以有得發吓夢：有朝一日，我係銅鑼灣的高喬盾又或係旺角的Nigo。
香港搞本地創作還未到世界級是實話，但難得玩到成巷成市（眾潮流舖入貨之餘，不忘自家搞衫），總比販賣老翻又或一味引入來路名牌來得馨香！近期本地創作圈加入兩單位，佢哋並非初哥反是潮流界老手；難得生產的「仔仔」有板有眼，正好讓時下有心搞創作嘅後生仔女作借鏡。
記者：陳嘉文 攝影：伍慶泉
阿偉的Uncle+South店，一向賣/玩的均是Hardcore的HipHop品牌（DefJam、Rawkus），然而萌起自作業始自近兩年的事。SoulBros解作志同道合亦見意思，除了主力由阿偉作構思外，幕後英雄還有一群志同道合的好友作Consultant兼畀意見。
「SoulBros的頭炮命名SoulProject，並以黑人代表人物作概念。搞SoulBros是希望自命愛HipHop的人，更能懂得明白黑人文化及其精神。近幾年HipHop成為潮流玩意，世界各地奸商利用HipHop周圍搵着數，好似凡以HipHop掛帥的商品都賣得咁。後生仔女一身HipHop打扮才叫In？這都是傳媒惹的禍！」
「潮流與文化是息息相關，不過只懂前者，大概這人只是一名購物狂吧！坦白講，SoulProject亦非『潮流判官』，只是想傳達一點訊息的小本經營罷了。」
SoulBros的SoulProject玩得是有名望的黑人；諸如PublicEnemy的ChuckD、作家JamesBaldwin、民權領袖JesseJackson等黑人代表。
HipHop音樂代表ChuckD$220(a)
被譽為當今最有影響力的MC。自小已受黑人哲學名著《BlackPanthers》與《ElijahMuhammad》的薰陶，故其樂隊PublicEnemy也大講哲理、政治；此外，ChuckD更致力喚醒HipHopNation，不要再政治冷感，要關心自身人權等等。
民權領袖JesseJackson$220(a)
克林頓與肥溫的醜聞，累得這總統要讓牧師作輔導的，正是JesseJackson。Jackson除為黑人爭取人權外，更致力推動「彩虹計劃」（RainbowPushProject）。
黑人作家JamesBaldwin$220(a)
西方有不少評論家已認定JamesBaldwin為20世紀最傑出的散文作家。17歲的Baldwin已自稱「看透了宗教的虛偽」，從此開始了其寫作生涯。Baldwin的散文啟發了新一代的黑人，其作品《黑人的苦惱》更在主流文學界獲得好評。
Amaze為2人組，2人均是傳媒分子。作為潮流傳媒人，潮流眼界自當比常人闊。但眼見Amaze製品，竟是幾不顧市場兼自我之作。掌陀人文仔：「望得多見得多反而累事，近幾年的所謂潮流又有幾多真係畀到驚喜你！？（小弟舉腳贊同！）只要你咪當本地創作係『大茶飯』，Amaze是工作以外的透氣位。坦白講，Classic設計始終是最長青的潮流，故Amaze係好個人好主觀的Cutn'Sewn設計，將傳統的衫褲諸如WorkerShirt、WorkerPants等Reproduction，用意是將講求耐用，但着上唔舒服的傳統工作服Fashion化、舒適化。」
從前本地玩洗水牛記大多唔合格，不是洗得不夠均勻，就是效果嚇鬼！然而今勻睇Amaze的水準，真係拍得住老外！
有睇開東洋潮流嗰班都知，夏日潮流必備物非一條Cargo短褲莫屬！
AmazeLogo的Tee正代表文仔愛簡約愛舒服的喜好。
文仔揚言Amaze的恤衫重點是玩細節──內裏暗花布，夠晒暗姣！
售賣點：
（a）Uncle+South（23111156）尖沙嘴利時商場2樓231號舖
（b）Dusty（28382841）銅鑼灣駱克道516號1樓