今日下午又再重臨灣仔修頓室內運動場館，一個很熟嘅場地，因為當年今日，我也是NikeLeague的一分子，如今身份卻變了。從前，我是一位NikeLeague的球員，現在，我是NikeLeague的觀眾了……。
NikeLeague的比賽依然係緊張刺激，年輕人仍然是充滿幹勁。看完前日雄獅對火箭場波，有不少感想；無論做咩運動，基本功都很重要，打籃球亦不例外。好似每一個球員在進攻時應該企嘅位置、傳球嘅路線和準繩度、防守意識、射波前應該要做的準備動作……等等都非常重要。
如果基本動作做得不好，就會發揮唔到應有嘅實力。其實今日場比賽，球員都好努力，可能今日係第一場比賽啦，大家都好似未完全適應，未能發揮得最好，希望係嚟緊嘅日子，各球員加倍努力，一次又一次的進步。
今日同大家暫時講到呢度，下次再傾。
潘浩賢
（甲一男籃永倫後衞）