肥彭首席文膽麥奇連舊年退休，噚日外國記者會為佢搞咗個歡送會，出席嘅多數係同麥奇連交手多年嘅外籍記者，八十年代曾經同麥奇連在政府新聞處共事過嘅張敏儀都有到場。
派對最大驚喜就係請來神秘嘉賓——身在奧地利嘅肥彭越洋致電祝酒。共事數年，麥奇連為肥彭寫過唔少情詞並茂嘅演辭，噚日肥彭梗係好話說盡，讚麥奇連工作表現專業又出色。不過麥奇連即場爆咗一個秘密，原來肥彭以前從未當面讚過佢，原因係肥彭深知，如果今日讚過麥奇連，第二日冇讚，佢就會對自己失晒信心，懷疑自己係咪做錯嘢。
（圖）做幕後文膽多年，麥奇連臨退休收到一份自己同舊波士肥彭做頭條嘅模擬報紙，開心地高舉紀念品。
傳真︰2623-9278
電郵︰