唔好話籃球比賽冇市場，噚日喺修頓室內場舉行嘅NikeLeague籃球聯賽，雖然入座率不至於全場爆滿，但係觀眾全日好似流水式不停捧場，單講人數就絕對多過唔少本地甲組籃球聯賽。
至於呢班球迷點解會咁醒目，識得一早嚟免費睇波同攞贈品？經我Dr.Fun明查暗訪下發現，入得場睇波嘅球迷，大部份都手揸《蘋果日報》。搞到贊助商預備嘅現場禮品都一早俾人換晒，下次要禮物就趁早啦。值得一提喺全場燈光未開晒，令場波「失色」，可惜！
17歲小雯 ：我有好多朋友效力藍鳥，所以今朝一早嚟捧佢哋場，希望藍鳥可以攞到男子十九歲組別冠軍。
16歲美婷 ：我今次主要係為藍鯨打氣，呢隊波最有冠軍相，球員技術平均之餘，內線同外圍實力又兼備。
18歲阿蘇 ：我都係嚟捧藍鯨場，佢哋應該攞梗女子組冠軍。不過，可能係初賽關係，氣氛好似冇上年咁好。