早幾日，亞Mark跟車行朋友傾開偈，佢哋話𠵱家做汽車買賣除咗部車要吸引，同埋價錢有號召力外，重要講Service同售後服務，真係一啲都唔簡單㗎！呢番說話正好代入去部平治Maybach豪華轎車內；皆因據亞Mark所知，平治要將Maybach獨立成另一個汽車品牌，突出品味之餘，為要爭奪市場佔有率，重要投其所好畀客人任揀車廂用料、色調同設備，重要個別招呼準買家搭頭等機來回，以專人去Service㖭！聽講香港同日本，重有幸響明年成為Maybach亞洲區嘅銷售中心點㖭。據聞Maybach香港Centre嘅選址，會係港島南區嘅淺水灣，勝在環境清幽又宜人，響咁嘅情況下賣車自然事半功倍啦！