電影《蜘蛛俠》係香港大收旺場，大家又想唔想好似蜘蛛俠咁好身手呢？現實生活當然冇辦法好似蜘蛛俠咁喺大廈間飛來飛去，不過攀石就好有勵志作用，以及可以滿足到大家「好高騖遠」的想法，試想像喺攀石牆居高臨下、遠眺四周景色，加上陣陣涼風吹來，成個人當堂精神晒，更是近期暑假新興潮流。
今次就請到攀登教練陳玉蘭同香港青少年攀石冠軍黎志偉教大家攀石基本法。 文：盧漢傑?圖：成啟聰
做好安全措施之後，初學者就可以準備攀登，不過當然要聽教練話一步一步來。
手腳動作要配合協調，如左手上完到右腳，攀爬期間保持重心，千萬不可心急。
盡量先利用雙腳向上推進，避免用手拉起身體，因為腳力遠比臂力大，攀爬者多用腳力，減少疲勞。
當開始向上爬時，將四肢分成四個支點，每次移動時只動一點，其餘三點不動。
利用平衡技巧，將身體穩定地停在石牆上。
初學者一般先學「頂繩攀登法」，即攀登時有防護者控制繩的另一端和防護器，避免攀爬者墮地。