近期熱門話題，除了買唔買中銀股票，就係有冇去書展。八方昨日同陸叔（陳永陸）傾起，原來佢自資出書，推出新作《陸陸無窮句句金》，印數高達一萬本。
陸叔話，佢要求全本書共有六十六句金句，每句要有一個故事及陸叔評語，重有漫畫，零售價六十六元，充份做到「陸陸無窮」。佢話今晚六時半及明晚六時會喺書展搞簽名會。靜靜同大家講，今日係陸叔五十大壽，若在現場見到佢，不妨同陸叔講句生日快樂。
變咗身做科技人之港台名劇《獅子山下》編劇梁立人，發明「九方」及「快碼」輸入法，做埋上市公司九方科技的主席。梁立人出咗一本自傳式的《窮才子‧富財子》，附有九方輸入法系統簡介。佢昨日同八方講，寫書目的係希望推廣九方嘅普及應用，佢星期日下午都在去書展幫讀者簽名。
傾傾吓，又收到女食神黃囗如留言，約八方周日兩點去壹出版幫佢搞之簽名會，重話會準備一啲食得嘅嘢招呼老友；咁就真係要去啦。
（圖）陸叔新作印數高達一萬本。
傳真︰2623-9278
電郵︰