大熱天時，一出街已經滿面油光，再加上汗水，面上的毛孔便很容易遭堵塞，令暗瘡爆發，除了面部「爆瘡」外，好多時背部亦成為重災區。要這些又難睇、又痛的瘡瘡快啲凋謝，不妨試試各款防暗瘡產品，今年某些品牌更推出專治背部暗瘡的噴霧，而其他「治」瘡用品亦各具特色，不妨研究完先決定試邊款！
記者：區佩嫦 攝影：楊錦文
面上暗瘡的確難睇，但講到難搞，必定是背部那些難以觸及的暗瘡。ettusais今季推出專門對付背部暗瘡的美白噴霧。美白噴霧含維他命C、牡丹等成份，具消炎效果外，亦能抑制油脂，避免阻塞毛孔而令暗瘡形成或惡化。不過最特別是噴霧同時具有美白作用，能減退暗瘡印，以後着露背衫都唔怕啦！
容量：80g
售價：$140（ettusais）
用家意見：噴上背部感覺清涼，呈奶白色的噴霧夠晒爽身，正在爆發的瘡瘡第二朝已經開始凋謝。
ettusais的姊妹品牌IPSA亦同樣推出身體暗瘡噴霧，不過燊SA的暗瘡噴霧主要是治療暗瘡，其含有樹皮精華及芍藥根精華等，能控制油脂分泌外，亦具消炎、殺菌功效，暗瘡、粉刺等問題自然得以迎刃而解。
容量：80g
售價：$190（IPSA）
用家意見：深藍色的外形夠晒Cool，噴在背部同樣夠Cool，噴霧質地夠爽，沒有「嗱」的感覺。
面部治療
一直是護膚專家的CLINIQUE，怎會忽視你面上的暗瘡呢？這支CLINIQUE的紓緩暗瘡定位修護啫喱，可追擊已成形的暗瘡，啫喱含有水楊酸、綠茶精華等，能清理暗瘡的角質層，令毛孔恢復暢通，加速療效。
容量：15ml
售價：$120（CLINIQUE）
用家意見：初初搽時有點「嗱」，不過啲Gel好快吸收，重好似有層保護膜咁，效果唔錯。不過最好係佢呈透明狀，化妝後用都得。
呢支日本KOKURYU暗瘡膏，可對付暗瘡、粉刺、黑頭，治療及預防兩者兼備，可殺菌、消炎之餘，內裏所含的維他命C具有美白及淡化暗瘡印的作用，只要在患上暗瘡的位置搽少許便可。
容量：12g
售價：$36（莎莎）
用家意見：透明啫喱可以在化妝後使用，夠晒方便，至於療效方面，效果不俗，連難褪的暗瘡印都搞得掂，而且幾十蚊有一支夠抵用。
以香薰為賣點的PerfectPotion急救暗瘡啫喱，含有杜松果、薰衣草、茶樹油及佛手柑等，能控制油脂分泌之餘，亦具有消炎殺菌、阻止暗瘡惡化及有褪印的效果，只要塗在暗瘡位置，一日三次，暗瘡自然會同你講ByeBye。
容量：25ml
售價：$160（PerfectPotion）
用家意見：薰衣草的味道好香，連嗅覺都得到紓緩。其效果尚算不錯，搽完的部位唔覺太乾。
根據小記經驗，通常面上出了一粒暗瘡，附近位置都會不停長出暗瘡，牽連範圍甚廣，這支日本品牌的KOKURYU暗瘡水，便專門針對這類「愛埋堆」的暗瘡。只要在洗面後，加少許含水楊酸成份的暗瘡水在附送的棉布上，然後敷在暗瘡位置15分鐘便可。
容量：100ml
售價：$149（V3）
用家意見：搽上面極涼快，感覺好似做Mask咁幾舒服，第二朝暗瘡都開始謝，而且粒瘡重唔會因為太乾而甩皮，效果幾好！
其他護理
若暗瘡散布的位置太廣泛，逐粒逐粒搽都唔係辦法，不如試試BIOSCREEN的淨化潔面啫喱，啫喱內含有高濃度銀杏葉精華、鋅、甘油等，最啱暗瘡皮膚使用，可抗菌、消炎，兼能清潔暗瘡內的污垢，早晚使用，令暗瘡加快痊愈。
容量：200ml
售價：$120（INGRIDMILLET）
用家意見：潔面啫喱的香味不錯，用後面部感覺很清爽，且不覺繃緊，暗瘡的痊愈速度較平日快。
想加快治愈速度，使用暗瘡膏之餘，洗完面後不妨再敷埋Mask，實行全面對抗暗瘡。這款雪肌蘭的海藻泥面膜，內含海藻、魚鯊烷等，再加上能活化細胞及深層清潔的水晶靈，令毛孔內的污穢物一次過去除，暗瘡自然會凋謝！
容量：120g
售價：$390（雪肌蘭）
用家意見：用後塊面好緊、好乾淨，不過海藻味唔係人人鍾意。
店舖資料
CLINIQUE（29181093）
金鐘太古廣場西武百貨專櫃
燊SA（29713820）
金鐘太古廣場西武百貨專櫃
V3（28956851）
銅鑼灣金百利UG873號舖
莎莎（24511088）
銅鑼灣羅素街38號
PerfectPotion（29156663）
銅鑼灣Beaute@Sogo地面專櫃
ettusais（29180323）
金鐘太古廣場西武百貨專櫃
INGRIDMILLET（23772330）
尖沙嘴海洋中心250號舖
雪肌蘭（查詢熱線：25772869）
各屈臣氏專櫃