陳小春本周二晚與王合喜等友人相約在九龍城吃火鍋時，三名《東方新地》記者闖入拍照，小春感不滿與記者發生衝突，更將記者的攝錄機搶走，事後記者報警求助，小春始到警署交還攝錄機。
該周刊昨日圖文並茂指小春、陳錦鴻與王合喜等，原來往九龍城吃飯前，曾到尖沙嘴新花城卡拉OK夜總會消遣，並帶了公關小姐出街。今次小春搶記者攝錄機，不知會否與此有關。
陳小春昨日透過經理人公司中國星代為澄清說：「嗰晚我只係去卡拉OK，並唔係去尋歡，我諗嗰本雜誌嘅記者梗係睇得《小李飛刀》多過頭，先會成日掛住尋歡啦！嗰晚我去完卡拉OK後同朋友消夜，相中被指係女公關嘅女伴，係同我朋友一齊嚟嘅，如果我要尋歡都唔會下午三點幾去啦！」發言人又表示公司正考慮採取法律行動。
此外，曾與小春傳緋聞的車婉婉，昨日力撐小春不是暴躁的人，她說：「佢係下意識保護自己。」問她是否相信小春帶夜總會公關小姐出街時，車婉婉說：「佢係唔係同家姐食飯呀？不過佢好似冇家姐喎！」
而小春好友趙學而則說：「佢個人幾好，唔多出聲，不過每個人做每件事都有佢原因。」