「偶像齊齊玩」第一炮，請來英皇一姐容祖兒與《蘋果日報》讀者聚會，和七女二男九位歌迷於本周一在大埔大尾篤會面，齊齊踩單車，流着熱汗享受夏日微風。
容祖兒（Joey）的歌迷當日全部都早有預備，帶備相機及偶像的照片。當Joey的保母車到達，歌迷已急不及待蜂擁而上，Joey落車後亦大方地為每位歌迷簽名合照。
Joey當日親身選擇「戰車」，她搞笑地說：「我要搵部雄壯啲嘅。」揀好單車後，Joey即擔當領隊角色，一馬當先帶領歌迷驅車前進，其間Joey與歌迷互相交談，不知不覺間，彼此已建立起友誼。
雖然當日氣溫高達攝氏三十三度，Joey與歌迷都踩至汗流浹背，不過Joey卻一於少理，她說：「我三年冇踩過單車，入咗行咁耐都要忙住做嘢，今次我要踩番夠本。」
踩過單車後，Joey與歌迷到餐廳休息及合照，更有歌迷向偶像表示會永遠支持她，使Joey甜在心頭。而Joey亦一早預備好親筆簽名的大型海報送給fans，每位歌迷當日都滿載而歸。
最後，Joey與歌迷依依不捨地互相道別，她表示今次「偶像齊齊玩」之旅十分開心，Joey說：「我第一次用咁嘅方式同歌迷見面，覺得好有意義，我知佢哋有啲年紀太細，屋企人唔畀佢哋參加我個歌迷會，所以今次可以咁樣見到佢哋，真係好開心。」
有份和容祖兒齊齊踩單車的七女二男當中，男孩子居然比女孩子還要害羞，完成活動後fans都異口同聲說：「開心到瞓唔着呀！」
而最熱情的四位少女，在Joey未到時已在車廂中大唱偶像的新歌，又交換自己的收藏品。當中最年輕的是年僅十五歲的阿Luck，她說：「今次係我第一次真正見到Joey，真係好開心，可以學識踩單車，Joey好好人，有好多嘢講。」
另一位歌迷Jessica說：「好好玩，好正，又冇危險。喺餐廳度我倒瀉杯水，Joey重攞紙巾幫我抹褲，好難忘㗎！」
採訪：羅慧敏、汪正文
攝影：馬啟然