做太空人係唔少人嘅願望，八方細細個時都有呢個心願，但只係得個「諗」字，苦無實現機會，𠵱家啲小朋友就幸福得多啦！有機構舉辦咗個小太空人訓練計劃，等啲小朋友可以喺暑假期間到美國佛羅里達州太空訓練營，接受為期五日嘅模擬太空人訓練，親自乘坐模擬穿梭機，一嘗做太空人嘅滋味。
主辦機構同八方講，呢個計劃搞咗三年，年年都有好多人報名，今年就吸引咗二千名小朋友報名，但由於名額有限，所以最後只係可以挑選六名幸運兒，獲選嘅小朋友同八方講，話做太空人係佢哋夢寐以求嘅事，第日大過咗如果有機會上太空，一定睇吓有冇外星人存在，識番個外星人做朋友。
王子俊攝
傳真︰2623-9278
電郵︰