自從壹傳媒宣布業績，好多人關心肥佬黎手上批優先股之應收股息，重引伸到話壹傳媒今年故意唔派息畀肥佬住，以粉飾業績呃小股東，第日就會派番畀佢。呢類別有用心又笑死人之評論，本來不值一駁，但周二、周三《信報》原復生一連兩日在《原氏物語》分析壹傳媒，都有提到股息一事。八方向來尊重呢個專欄，所以不避嫌交流一下。
據八方所知，壹傳媒必須派息畀所有股東，始能派優先股息予肥佬黎，小股東冇息收，肥佬亦冇息收；而上年度之優先股息，唔派就冇，係唔可以累積往下一年。以上資料，詳載於去年九月印發之收購文件第369及370頁，未知原君以為然否?
傳真︰2623-9278
電郵︰