黎姿昨日於九龍塘拍攝無綫新劇《黑夜彩虹》，對鍾鎮濤申請破產一事，她說：「我聽到都好驚訝，希望佢冇事啦，佢都好慘，四年後咪又係一條好漢，我自己投資都好小心，九七金融風暴之後冇負資產已經係賺咗！」
另外，章小蕙前晚由司機接載到跑馬地的高麗韓國餐廳與友人晚膳，碰巧導演會的爾冬陞、張同祖及羅啟銳等亦正在餐廳內聚會，眾導演見章小蕙步入餐廳即開玩笑說：「我哋度緊一個點樣申請破產嘅故事。」問張同祖可會考慮開戲幫阿B度過此難關？他說：「嘩！好大數字噃，𠵱家嘅電影市道，真係好艱難。」
而曾與阿B合作的羅啟銳則說：「睇到阿B破產段報道之後覺得好感慨，阿B第一部戲係同我合作，其實今日嘅F4即係當年嘅溫拿，當年佢哋都好靚仔。」
採訪：卓美娟、王崇穎
攝影：黃文成、娛樂特發組