香港有唔少車迷追捧開篷Roadster跑車，而其中鍾情蓮花Elise嘅Fans亦唔少。若然你係當中一分子的話，相信你定必聽過英國廠方經已響今年6月下旬，推出全新Elise頂級111型號嘅消息。亞Mark身邊亦有唔少朋友，問點解新款Elise今年2月才正式抵港，咁快又會有新型號面世呢？查實事緣輸港嘅Elise原廠要加設冷氣，因而拖遲咗成年，部Elise才能夠跟香港車迷見面囉！
至於話部新款Elise111，全車可謂有大革新，當中台偈重換裝上路華K系，輔有VVC設計嘅1.8公升直4型號，令輸出由原來120匹增至156匹；聽聞新車可望於8月初抵港，而車價亦會較現行Elise多出4萬元，即係43萬8千，鍾情Elise嘅Fans就要拭目以待喇！