亞洲區汽車市場，日漸受到各大車廠所重視，當中尤以中國大陸為甚；就以德國寶馬車廠為例，喺今年頭六個月內，於中國已售出6,646部新車，較去年上升約22.7%，從而可見中國將會成為各大車廠所爭奪嘅市場之一。而喺最近，寶馬車廠更與中國汽車生產商Brilliance達成合作協議，於國內合資建設一所車廠，主要用以生產寶馬3系及５系等車款；而呢所新廠房除預計可於2003年下半年正式投產外，年產量更可高達30,000部之多，而由該廠所生產嘅新車，亦主要用以供應中國大陸市場為主，相信因而令寶馬於中國市場嘅銷售數字會繼續上升。
難怪廠方會視今次於中國國內設置生產線，係佢哋邁向龐大嘅亞洲區市場，邁進咗一大步啦。