張玉珊及朱茵昨日在紅磡海逸酒店出席「朱茵跳起來發佈會」，朱茵男友黃貫中（阿Paul）及無綫高層何麗全亦有到場支持。
張玉珊透露，近日她曾與章小蕙通電聯絡，她說：「佢（指章小蕙）個人好堅強，應該難唔到佢，至於會唔會再搵佢合作，咁等佢搞掂自己啲嘢先啦。」
朱茵昨日身穿一條淺綠色低V露背長裙現身，她亦有邀請阿Paul上台，起初他擰頭拒絕，其後才順應女友的要求，而朱茵亦感動得熱淚盈眶，多番向男友道謝。
朱茵說：「阿Paul咁忙，佢都肯幫我做音樂，我好感謝佢，佢係我音樂上嘅啟蒙老師，而今次我嘅唱片可謂係我同阿Paul嘅結晶品。」
問阿Paul會否介意女友出寫真集，他笑說：「唔介意，我有份揀相，過份嗰啲咪話outfocus囉，另外一啲咪收入自己袋囉。」
採訪：楊潔雯
攝影：何國豪