何志平今日先至正式返政府工，出任民政事務局長，但係噚日佢晨早就去咗書展嘅開幕禮，重好有興趣，特登走咗去曾經出版《老懵董》同埋《掃把頭》嘅次文化堂攤位，重完全唔避忌咁，買咗一本書名擺明係諷刺三司十一局問責高官嘅《三屍十一命》，重有講述內地兒童嘅《窮孩兒》同埋《曾蔭權傳》。
何局長話喎，呢本《三屍十一命》「題目好吸引，好有創意，與時並進」，佢重讚作者：「掌握最熱門話題，變成創意，出到一本書，幾好喎！」何局長又話唔會擔心呢本書影射問責局長：「無問題呀，吸納吓多啲意見啫。」真係服咗佢。
傳真︰2623-9278
電郵︰