香港地「貧者愈貧，富者愈富」，經濟不景下，有人冇飯開，但亦有人照樣過奢華嘅生活。今個禮拜六喺尖沙嘴新世界中心有個車展，就有間車行展出一輛售價高達一千五百萬元的超級跑車平治CLK-GTR，相信是本港有史以來最昂貴嘅汽車，而且全世界只得二十五輛（見表）。
有曾坐過呢部車嘅老友對八方大讚呢款CLK-GTR設備豪華坐起嚟好舒服，爆胎時只需按掣就有支柱自動伸出升起跑車，自動加添補胎液和泵氣，認真巴閉。不過以咁嘅馬力同車速喺本港就肯定「無用武之地」。保險界估計，呢部車淨係每年嘅基本保費就已需要八十幾萬蚊，若再加附加費，保費可能增到一百萬，相當於一層樓嘅價錢。
傳真︰2623-9278
電郵︰