財經事務及庫務局局長馬時亨（圖）上任兩周以來是非多多，八方昨日與他茶聚時，佢講番上周在立法會答問，雖然被人評為「答非所問」，但民主黨主席李柱銘在會後話佢的表現其實合格，已令佢開心到差啲瞓唔着。
對於肥仔馬上任後，推翻港交所取消上市委員會的決定，被報章指為「U-Turn」。佢話U-Turn並非壞事，若明知撞板都照去才是壞事。有傳媒朋友話外界以保守派形容佢，因為佢上場後都變返轉頭。「馬仔」同八方講，自己似「進步保守派」（ProgressiveConservative）多啲。肥仔馬其實好知道自己角色。佢講明自己係salesman，要推銷政府觀點。
上任兩周，就要放假，原來肥仔馬一早同李澤楷請咗兩星期假，後來做咗局長，但唔去英國唔得，因為要出席大女的畢業禮。不過佢只留兩日，周日即趕回香港做嘢。佢大女在倫敦經濟及政治科學學院（LSE）讀經濟，暫時不會做老竇個行，而係繼續進修讀教育碩士。
傳真︰2623-9278
電郵︰