模擬實戰的遊戲近年不斷湧現，但講到真實感就並非每款作品都能完全達到，或者因為呢個原因，搞到美國軍部睇唔過眼，實行搵EpicGames合作開發一套實戰Game嚟刺激市場，質素之高和當年訓練士兵的《MarineDoom》可謂天淵之別。到底《America'sArmy》係咪真係咁掂？唔使估估吓，立即Download玩過就知！
文：方樂鵬
在先前的預報中提到，《America'sArmy》將會由角色扮演?模擬及線上第一身射擊兩個遊戲所組成，前者可讓玩家在虛擬戰場中吸取經驗和學習各種戰鬥技能，不斷挑戰更高難度的任務；而後者則是玩家常見的線上對戰模式，不過可以肯定的是，玩家可將單人玩遊戲中的角色登入對戰伺服器，比起用預設士兵更有投入感。
從剛推出的版本中所見，遊戲可謂極之講求紀律性，玩家在參加線上對戰之前，必須進行四個基本訓練，包括M-16步槍射擊、障礙訓練、美軍軍備射擊、以及現代模擬實戰。只要全部過關，便可透過GameSpy繼續餘下更艱苦的特訓和戰鬥，更有機會加入第七十五游騎兵團、第八十二空降師等精銳部隊。
對於追求高模擬度嘅玩家來說，《America'sArmy》絕對能夠滿足閣下的要求。遊戲中的角色動畫系統，將會完全依照實戰中步兵的動態顯示，由手持武器到瞄準的姿勢，都逼真到你唔信。至於武器方面，驟眼睇槍械模擬好似冇乜特別，但當你嘗試射擊，便會發現彈道模擬的真實程度有幾高，就連退膛時彈殼飛脫的距離都經過悉心計算，Reload同上膛嘅動畫更加係一絲不苟，真係唔到你唔服。除此之外，行動中槍械重有機會Jam彈，要玩家按Fix鍵進行修理，緊張關頭咁死法認真唔抵。
手號（HandSignals）是實戰中常用的通訊方法，不過印象中遊戲史上除了第一集《SWAT》之外，就沒有任何戰略射擊Game有此設計，直至《America'sArmy》的出現，玩家終於可以再次體驗使用手號通訊的樂趣，尤其WarGame迷就更加雀躍萬分。除了手號，遊戲中更備有無線電通訊、大叫及低語等語音指令，讓你和隊友保持緊密通訊。
在多人對戰模式中只得美軍當然不能成事，故此玩家將可選擇扮演敵國軍隊甚至恐怖分子，以防守（如挾持人質）或進攻的方式和另一邊廂的玩家對戰。除此之外，《America'sArmy》還有一項非常特別之處，就是坐監，專門用來對付射殺隊友或無辜市民的破壞分子，等你被ServerBoot走之前被拘禁一段時間。
雖然話隻Game模擬度超高，不過某些設計仍會以樂趣優先，例如閃光彈的威力便會比真實的為低。其次，遊戲的血腥程度亦只限於輕微級數，唔會好似《SoF》咁激。
若以免費遊戲角度（美國的納稅人就另計啦）去睇，《America'sArmy》的水準經已令人喜出望外，不過可惜推出至今，官方伺服器幾乎日日Down，Join唔到Game就幾好玩都假啦！希望有關方面快啲改善。
America'sArmy
發行/開發：U.S.Army
推出日期：已推出第一個模組《Recon》
價錢：免費下載
下載網址：