章小蕙前日表示已有心理準備破產，因每月要還六十萬利息，賣了自己都還不了。對此裕泰興董事總經理羅守耀昨日說：「我都唔知佢條數點得番嚟，完全係憑空想像、虛無飄渺。喺法律上追數，我哋當然會追全數，但亦知道冇可能，所以希望同佢坐低傾，但我哋根本未去到商討嘅階段，佢畀我哋嘅計劃書係每個月還幾千蚊，件事發生之後，佢冇還過錢。」
羅守耀亦表示從來沒有和章小蕙接觸過，大家都只是透過律師通消息，他說：「章小蕙嗰陣夠話我哋公司有人同佢講話筆數佢唔使還啦，但我問過嗰個人，人哋都冇講過。」章小蕙生命中兩個男人鍾鎮濤和陳曜旻先後申請破產，而章小蕙又有仔女，問羅守耀可會覺得對方很慘，他說：「呢個純粹係商業行為，冇話單身就還多啲，有仔女就還少啲㗎，全部一視同仁。」至於章小蕙稱所有財產只得一間舖和自己，羅守耀說：「呢個問題我真係唔識答。」
採訪：梁錦雯