亞洲電視自開台以嚟，已經五度換老細，而上個禮拜更有李嘉誠控制嘅tom.com收購另一股東林百欣手頭上百分之三十二點七五亞視股份，成為第二大股東。
前日八方得閒，走入去亞視睇吓有乜新動向，撞到新行政總裁陳永棋（圖），佢笑住口咁話：「好歡迎佢哋收購麗新集團嘅股份。」提到兩大新股東「合作」，會唔會令亞視出現新景象？佢就話：「總之大家合作會好愉快。」
昨日，八方去旺角工業及貿易署大樓聽唐英年講支持中小企用應收帳抵押貸款，又見到陳永棋。今次佢嘅身份應該係代表廠商。點知聽完之後去食晏，在港島香格里拉再撞到陳總裁，佢同李國寶兩父子在夏宮密斟。至於係傾亞視定製衣，就不得而知了。
傳真︰2623-9278
電郵︰