國泰航空公司搞搞新意思，喺下個星期一開始會同鏞記合作，喺一半航線推出三十幾款新嘅飛機餐美食，其中最特別嘅係燒鵝盆菜。
話明係盆菜，就梗係用盆載住上啦。裏面嘅燒肉、燒鴨同雞肉，全部都去晒骨㖭，又安全又方便。但係呢種菜式，就要坐頭等艙乘客先享受到。不過，其他乘客都有好嘢食，例如銀棯醬豬肉同雙冬炆鴨等。
國泰個大廚話，飛機餐最怕翻熱之後走晒味，但係鏞記幫國泰設計嘅盆菜就冇呢個問題，因為盆菜係愈煮愈入味。鏞記老闆甘健成話，遲啲可能喺鏞記賣番飛機餐嘅菜式，咁就唔使搭飛機都食到飛機餐啦。
（圖）國泰航機將在頭等艙推出盆菜。
傳真︰2623-9278
電郵︰