李嘉誠旗下的生命科技旗艦——長江生命科技昨日終於掛牌，八方記得前年tom.com上市時的墟冚場面。當年交易所觀景台的翻新工程重未完成，新翼尚未開放，而出席tom上市儀式的嘉賓同記者有成百幾人，盛況空前。反觀昨日，八方上到觀景台發現只有小貓三兩隻，以為自己早到。原來係交易所應長科要求，將新翼封鎖，只准嘉賓入內，趕記者到遠遠。
據悉這是長科向港交所提出的要求，因為佢哋估計上市儀式會有一百名記者採訪，為了維持秩序，故要將記者與嘉賓分隔，港交所當然照做。私人公司上市有咁嘅排場，長科都算係夠晒「面子」。可惜，到場嘉賓只有十數名保薦人及公司管理層，結果係一眾記者在外面迫，觀景台則相當「鬆動」。
另外，同tom上市時一樣，長江集團中心由昨晚開始，每晚七時至十二時啟動外牆燈飾，展現長江生命科技的英文縮寫名稱「CKLS」當作慶賀。大家經過可以抬頭欣賞下，但記住睇車。
傳真︰2623-9278
電郵︰