大家好，又係我陳啟泰！有人問我《百萬富翁》有冇貼士，講真句，喺遊戲開始之前，我的確睇過所有問題，但答案係點，我就真係唔記得，但係我都可以喺度講吓一啲對參加遊戲有幫助嘅辦法。
最近我聽堪輿家蘇民峰講，話着啲乜嘢顏色嘅衫去玩遊戲，其實都有好大影響，如果件戰衣嘅顏色係配合當事人嘅生肖的話，對財運會好有幫助，所以今日我不妨講講呢個着衫之道，有興趣嘅朋友可以參考吓。
生肖屬虎同兔嘅人士，最有利係着米、黃、啡嘅衣服；生肖屬蛇同馬，最旺係着白、金、銀嘅衫；屬猴同雞嘅朋友，青綠色就最有利；屬豬同鼠嘅朋友，最啱嘅顏色係紅、橙、紫；至於生肖屬牛、龍、羊、狗嘅，着黑、灰同藍嘅顏色，就最適合不過。
不過我覺得玩《百萬富翁》，最好都係多啲睇書同睇報紙，唔好成日掛住問貼士。（五之二）
口述：陳啟泰 筆錄：戴彩煥 攝影：羅德光