唔通人老咗就真係記性會差啲？前幾日睇報紙睇到賭王何鴻燊大大聲話，會有與十姑娘何婉琪有關嘅新鮮料爆。點知佢昨日又話唔回應，認真離奇。
話說賭王話爆料，八方以為又一場家族罵戰即將展開，啲記者同八方一樣諗法，噚日已經企定晒響上環信德中心等。等到七點半，賭王同四姨太梁安琪先施施然響澳門返到上環，身旁有成十個保安。問賭王係咪有十姑娘新料爆？賭王竟然話：「十姑娘嘅嘢，我唔想再花腦筋再答。」即時走人，搞到啲記者都𢱑晒頭。而何超瓊稍後放工亦同樣封口，只搖頭示意未收到十姑娘入稟狀。
﹙圖﹚賭王與四姨太在眾保鑣簇擁下返港。
傳真︰2623-9278
電郵︰