八方昨日在長江中心地下「巧遇」今天上市嘅「長科」行政總裁甘慶林及小超人李澤鉅。當時小超人背後有一位長實職員，只見佢手持一個紙籃，上載三隻瓜，其中兩隻相當巨型，另一隻則相當細。跟住小超人就講起瓜的故事。
佢話早前將長江生科有專利的「穩得高」肥料送畀一個簡姓知名人士試用，簡姓名人昨日「投肥報瓜」，回贈兩個巨型「絲瓜」給他。其時小超人身邊同事及記者即糾正佢，話的瓜是節瓜。可能從未入廚嘅小超人知道講錯，修正係節瓜後，繼續話呢兩個瓜係用「穩得高」種出嚟，比同一個種嘅節瓜（由於時間關係，已有一個「標本」預備好放響一齊)大好多。小超話，自己正準備攞呢兩個瓜返屋企煮，既然見到甘慶林，就留一個畀佢試吓咁話。講完之後，小超就走咗，甘氏亦一樣，而且兩人同樣都「忘記了」攞瓜，剩下那位長實職員繼續手捧着那分別重達五、六磅重嘅巨型節瓜。
﹙圖﹚李澤鉅（右三）推銷「長科」產品，誤將節瓜當絲瓜。
傳真︰2623-9278
電郵︰