歐陽妙芝上月底與胞姊Grace和朋友，先後到日本、西班牙和葡萄牙旅行半個月，今次歐陽妙芝更自掏腰包請胞姊遊日本，Christian昨日接受訪問時說：「因為之前我要學日文，一年冇去過長線旅行。今次好開心，家姐平時好錫我，成日幫我做打雜，交吓電費、做文書，一定要報答佢，我哋玩到唔捨得返香港。」
歐陽妙芝表示西班牙和葡萄牙有很多身形高大的靚仔，她與幾個女性友人經常不顧儀態，隨街捉當地俊男影合照。在半個月的旅程中，最難忘除了觀看了西班牙鬥牛外，她在西班牙期間亦「見紅」。
皆因上月尾巴西贏了世界盃後，西班牙有球迷上街慶祝，歐陽妙芝慘被人踩中腳趾尾，她說：「個肥婆踩到我腳趾尾流血，我重有啲暈暈哋。」
採訪：DebbieLum、RitaLeung