恒指下跌66點，大隻藍籌中，長實（001）入於硬淨嗰類，收66.50元，升50仙。但唔係隻隻Call輪都跟正股升，下跌嘅其實比上升嘅更多。
長實主角Call輪9252企定喺60仙，冇跟正股升，溢價由上禮拜五嘅2.9%，縮到2.1%。
愈係接近夠鐘，溢價愈細好正常，不過9252到9月初先夠鐘，溢價收縮或者意味市場認為正股強勢頂唔得耐，暫時都係小心啲好。
另外兩隻曾經飛沙走石嘅長實Call輪9063同9043，分別下跌18%同7%，9063下月初夠鐘，溢價9%，9043夠鐘期差唔多，溢價11.3%，兩隻末日輪行使價72.2元同73.86元（正股66.50元），最終結局睇嚟係咁先。
滙豐（005）係比較軟弱大藍籌，收88元，跌1.25元，成交金額9.41億元，佔大市總成交兩成，上禮拜五只係佔14%。
滙豐個勢重會弱些少，有機會下試86.50?87元上次低位，吼住呢個位買Call輪9030，現價57仙，到時大概亦係上次低位51仙，呢個位上車，見番6字落車。
章 盛