近期被傳捲入羅嘉良婚變的佘詩曼，於前晚為卓悅纖體拍攝新一輯纖體平面廣告。佘詩曼不讓穿三點式拍莎莎纖體廣告的郭羨妮專美，亦穿上性感tubetop，大騷其二十三吋小蠻腰還擊。
佘詩曼（阿佘）前晚在柴灣一間影樓內，為卓悅纖體拍攝廣告。阿佘近日被傳是羅嘉良婚變的第三者之一，當記者問及此事時，她即態度堅決地說：「唔答，今日只係講工作嘅嘢，其他嘢唔講。」
早前郭羨妮曾穿上噴血三點式泳衣為莎莎纖體拍廣告，而同是無綫花旦的阿佘亦不示弱，分別穿上多套性感服裝上陣，包括流蘇短top、tubetop及短褲等，盡顯其纖體後的美態。現時阿佘的三圍數字為33、23、34，相當標準。
阿佘前晚說：「我拍《帝女花》嗰陣時，一收外景就會去做纖體療程，主要係令到我啲肌肉收緊番，所以我嘅磅數冇乜點變，都係瘦咗兩磅左右。」她又指着她的手臂說：「我叫呢嚿做byebye肉，因為肌肉比較鬆，一舉手同人byebye就現晒出嚟，呢啲地方係好難減㗎，但𠵱家都收緊咗囉。」
問阿佘會否如郭羨妮般穿三點式拍廣告？她說：「我有睇過佢輯相，好靚呀，但我諗自己應該唔會喇，大家要嘅嘢唔一樣，不過都係由老闆娘話事啦。」阿佘又強調其廣告會以健康為主，故她前晚試衫時亦拒穿一些太性感的服裝。
卓悅方面今次請來為張栢芝影唱片封套的名攝影師CK操刀拍照，又邀電影《天下無雙》的美指Patrick為阿佘設計形象，可謂落足本錢撐阿佘。
採訪：朱芷瑩
攝影：黃文成