相信本地留意潮流嘅後生仔，無乜邊個唔識阿寶，事關佢同海外好多潮流Icons、街頭Artists都好好朋友，喺香港又開潮流舖又搞雜誌咁。而其最新搞作就係喺銅鑼灣再開新舖，簡直無視一直疲弱的消費市道，勇！呢間叫做Labinnah嘅新舖主力賣其同名女裝品牌，係！係女裝，阿寶終於進軍女服界喇。上周六新衫重未有得睇住，反而頭炮先來紐約塗鴉大師Kaws嘅簽名會。佢更帶來全新作品集一本、十數幅作品真迹跟各位潮流信眾見面。
記者：吳小明 攝影：陳穎
其實Kaws已非首次來港，但今次帶來的展品包括以Simpsons這個抵死賤格卡通人物為取材對象的「TheKimpsons」油畫及絲網畫、以及全新作品結集《C10》。這個骷髏頭公仔是Kaws得意傑作，曝光率極高，皆因前前後後出現喺紐約市面各大型燈箱招牌次數都唔少，一眾高級品牌廣告海報好似DKNY、YSL、CalvinKlein等都係Kaws公仔嘅「棲身」對象，亦因為Kaws這樣惡作劇地為名店品牌加番幾筆，令其名氣直線上升到神枱級地位，在美國、日本及香港都有一大班Fans。
雖然記者見在場Fans都有買唔少嘢，但係對於店內展出嘅11幅油畫及絲網畫似乎無動於衷。當然啦，每幅油畫標價一律$11,680，相信大家都係欣賞居多。
自言話唔算好迷Kaws嘅Esther，晨早11點嚟到排隊攞Kaws親筆簽名，佢話一直都有留意開呢位Artist，自己都相當鍾意佢嘅作品，不過今次係Esther第一次咁神心嚟排隊見佢，戰利品當然包括《C10》作品集同埋兩件紀念Tee，但最高興係Kaws重私人醒Esther貼紙數張，Kaws親自帶來嘅貼紙，唔係個個Fans都畀㗎。
《SilenceoftheLamb》?
Labinnah前址為滙豐銀行分行的保險庫，據Labinnah室內設計師Sandy說，一睇舖已覺得好啱心水，因為地庫那種密封幽閉的感覺，啟發他們將店子設計成監獄，更不諱言靈感來自經典犯罪心理學電影《SilenceoftheLamb》（沉默的羔羊）。但店內播放的音樂絕不是壓迫感強或死亡派的歌德式音樂，反而是大自然的雀鳥聲，Sandy說雀鳥聲代表的自由自在，跟監獄的封閉壓迫，可以做出一個有趣的對比。
開新舖特地推出限量紀念Products，幾乎經已係指定招牌動作，今次Labinnah請來Kaws親身來港，自然唔少得出番款紀念Tee。呢款Tee共有白、黑、灰藍三色，每款生產60件，賣晒就算，當日得到Kaws喺衫上面簽番個大名就更加難得，唔少Fans都買兩件，一件攞嚟着、一件用來儲，幾乎都係指定動作。
Labinnah（28816050）
銅鑼灣希慎道一號地庫
同場加映
Kaws原名BrianDonnelly，1974年美國新澤西州出生，現基地駐於紐約的Brooklyn區。從前看Kaws的作品，總令人聯現起米奇老鼠；與realmadHECTIC和BountyHunter的合作，就是以米奇老鼠為藍本的Figure。原來Kaws畢業於紐約School'sofVisualArt後，曾為Disney公司當過Freelance動畫員。從12歲開始已經對塗鴉發生興趣，但一直到1991年才正式開始在街頭進行塗鴉；與一般人在牆壁、地鐵、火車上塗鴉不同，他卻在廣告畫或海報上加上自家的Skull與Crossbones幽默塗鴉圖案。2001年Kaws首次在日本東京Parco開《KawsTokyoFirst》畫展，並推出《KawsOne》作品集，㗎仔欣喜若狂。今天的Kaws固然紅得發紫，其副產品到合作製品確是源源不絕；而02下半年度更與DC合作W-name板鞋。從前DC搵Artists搞Crossover皆以原有型號或款式再Reproduction，然而這對Kaws×DC則一反傳統，全新款式，型號也要喚作Kaws，這位28歲的小伙子果真大面！$590(7月18日發售)
記者：陳嘉文
售賣點：各double-park有售
查詢電話：23774622