福士呢輪唔知係咪有意效法奧迪咁,以引入不同引擎型號,刺激各個車系嘅銷量呢!繼上月七人MPV嘅Sharan,運嚟入門版嘅1.8Turbo型號之後,亞Mark聽聞佢哋今個月會以新配搭嘅Passat為重頭戲;事關呢部新版Passat,係用上同屬Golf嘅一台2.3公升V5引擎,實行一門三傑嘛!據知,新車性能稍勝同系嘅Passat1.8T型號,而較頂級Passat2.8V64Motion型號嘅價錢便宜,自然有一定吸引力㗎!
若然各位想買部中型豪華行政轎車、但又唔想隨波逐流買平治或寶馬的話,就不妨考慮吓喇!