「好彩得你哋蘋果基金撥咗一萬蚊畀我，加上村長好人，肯畀我喺山頭塊地搭幾塊磚砌間屋仔，安放阿仔嘅骨灰，如果喺庵堂買個位起碼要萬幾蚊，我邊有能力負擔！」經歷喪子之痛的陳運金說。
金叔的二十一歲兒子陳家其，月前駕車途經屯門失事，傷重身亡，老來喪子的金叔好不容易壓抑悲痛的心情，旋即要為生活大費周章。五十四歲的金叔表示，他與妻子分別因患骨刺及關節炎而不能工作，他只間中由朋友介紹任職裝修散工，數月來只開了十多日工，如今生活重擔落在任職地產經紀的長女身上。
「大女知我腰骨有事，叫我唔好再做，但係佢收入唔穩定，升中五嘅細女每月學費同補習費都要千幾二千蚊，我坐喺屋企都唔係辦法，諗住做得就做，可以幫補吓多少。」金叔歎道。
蘋果日報慈善基金月前曾撥款一萬元予金叔殮葬亡兒，近日另將善長捐款合共六千二百五十元交予他簽收。「認真多謝晒啲讀者，佢哋真係好有心，好有人情味，亦令我知道原來有困難嘅時候係會有人幫。」金叔說。 捐款編號：C0540
暖流熱線
電話:29908688
傳真:23702192
電郵:
網址：