雖然金管局總裁任志剛唔做馬會董事一事，未知有乜微言大義；但高官就繼續支持慈善事業。例如由一班高官組成之賽馬團體「新秀（AmateurAssnSynaicate），剛剛就買咗匹澳洲新馬，周歲價十二萬澳元，將會養在蔡約翰馬房。
呢個「新秀」，成員一共有十人，包括三個經理人何鑄明、劉吳惠蘭、羅家駿，七個會員陳育德、祝建勳、梁永立、譚榮邦、鄧國斌、尤曾家麗及俞宗怡。熟悉本港官場者都知道佢哋係乜水，有三個常任秘書長在內，肯定唔係Amateur。
佢哋夾份養馬已經有悠長歷史。九○年養過「威捷」，九五年又養咗隻「生生勝勝」，不過兩隻畜牲都麻麻哋生性，每隻都只係贏過一場頭馬，希望今次隻澳洲新馬威水啲。
講起呢隻新馬，叫做Perfetto，中文係「勝任愉快」；在公務員以至高官能力大受質疑之際，改呢個名真係可圈可點。
傳真︰2623-9278
電郵︰