亞視新一輯嘅《百萬富翁》下星期一推出，為咗等大家更容易有機會贏取呢一百萬獎金，由今日開始一連五日，我陳啟泰都會喺「星級教室」呢個環節，教大家玩呢個遊戲嘅竅門。
今日，我想同大家講吓面試嘅情況，唔好以為喺面試嗰陣，要答中晒嗰十五條問題先至可以參加遊戲，靜靜哋話畀你哋知，如果你面試時表現生鬼，同埋有幽默感嘅話，分分鐘會加分㗎！因為參賽者生鬼，節目錄影時咪會生動啲囉。今次我準備咗五條面試時出過嘅問題，大家不妨好好參考吓。
（五之一）
口述：陳啟泰 筆錄：戴彩煥
1.龍鼓灘位於香港十八區中哪一區？
2.十字軍東征是為了收復哪個被回教徒佔領的城市？
3.十二星座中，獅子座和天秤座中間的是甚麼星座？
4.美國國旗上的每粒星是代表甚麼？
5.文藝復興三大巨匠是拉斐爾、米高安哲羅與誰人？
答案
1：屯門區 2：耶路撒冷 3：處女座 4：美國的每個州 5：達文西