政府成功立法削減公務員薪酬，全賴有立法會議員支持。本地督察協會主席廖潔明早排作咗首打油詩諷刺某議員係「政棍」，重喺互聯網發放畀同僚欣賞。八方八到，廖Sir作詩時諗緊嘅，好可能係發叔黃宏發。
八方向廖Sir求證，佢唔肯直接講，只係透露識咗呢位議員二十幾年，係喺中大讀書時識嘅。廖Sir又話，佢係因為覺得有議員曾經當面向佢承諾支持公務員，教佢同政府周旋嘅策略，點知粒聲唔出就轉軚支持政府，所以有感而發。
首打油詩講乜？八方幫佢登多次啦：「政棍待價而沽；有司重酬轉軚；吾等集資護法；法院再見高低！」
傳真︰2623-9278
電郵︰