邊個話香港人情薄如紙？其實有好多人都好熱心公益！立法會議員黃宏發就係一個好榜樣喇。
噚日發叔出席一個由社會服務團體翠綠行星主辦嘅「萬眾一心保齡慈善FUN」分組抽籤儀式，同場有專業保齡球導師薛醒龍博士，佢帶埋成棟自己寫嘅新書嚟送畀在場人士，希望佢哋攞咗本書之後，捐番少少錢出嚟，資助香港失明人協進會同香港傷殘青年協會做經費。
薛博士當然有送書畀發叔啦，發叔即刻喺銀包攞咗張五百蚊出嚟，多多益善咁話。發叔同八方講，原來佢成身只係得六百蚊，捐咗錢之後雖然剩番一百蚊，但係佢有「八爪魚」儲值卡，所以應該夠錢返屋企咁話。
（圖）黃宏發（右）昨捐出五百大元給兩個殘疾人士團體，幾乎洗袋。
傳真︰2623-9278
電郵︰