「二人三足」好多人細個都玩過，684個人點樣一齊綁住腳玩二人三足？可能呢樣嘢從來都未有人認真諗過，所以香港有個義工組織「匯心里程」搵到六百幾人喺灣仔運動場齊齊玩「二人三足」，創咗個全新健力士世界紀錄。
684人點樣憑685隻腳行五十米？方法就係分成三十八行，每行之間由兩個人打側身企，做「人鏈」連起每一行參加者。每個人左右腳分別綁上紅色同黃色布條，跟住愛心大使、歌星陳文媛叫喊「紅」、「黃」而一步步向前行。所以大家在烈日下行五十米花咗超過十分鐘，都咪話唔辛苦。咁辛苦行完，籌咗八十萬捐畀四個慈善團體，包括無國界醫生、奧比斯、雁心會同薪火行動，都算值得。
（圖）六百多人成功締造世界紀錄，鮮豔的布條由腳踝解下，被拋到半空中。 黃冠華攝
傳真︰2623-9278
電郵︰