呢輪新車推售可謂一浪接一浪，其中重不乏既Cute又見慳油實用嘅迷你CityCar㖭！早前，亞Mark提過系出名門嘅德國歐寶Corsa，代理經已響上周末空運咗幾部新車到港，除咗會安排響今個月中（7月18日），喺九龍塘某大商場舉行首度新車展外，重會給香港一眾汽車傳媒作測試同報道㗎！既有實用嘅五門掀背版，又有富Sporty味道嘅三門型號，而後者重備有手波版供車迷選購㖭！新款Corsa用上一台1.4公升直4偈，有齊電窗、電鏡、電天窗同合金軨等配搭，自動波售價為12萬9千，而手波版則售12萬5千元；至於另一款配用半自動波嘅Corsa1.2型號，就要遲多一步喇！