早前，日本橫濱（Yokohama）輪胎廠新推出AVSES100輪胎系列，以針對中、高價車嘅全面高性能輪胎需求。為證明新款ES100嘅全天候及耐用性，代理重特意提供輪胎作長期測試；經過五千公里嘅驗證後，究竟呢款ES100輪胎能否一如廠方所述，能夠達到全面適應性同可靠呢？不如大家一齊嚟睇吓啦！
特約記者、攝影：張以中
協力：祥華記汽車用品（28073208）
輪胎配搭嘅好與壞，對部車嘅發揮可謂有直接影響。而最近打入香港市場嘅YokohamaAVSES100輪胎，響中、高檔次嘅層面上，率先用上高性能單向胎紋設計，加上本身直角胎肩嘅結構，單係賣相經已予人評價甚高。
香港位處亞熱帶地區，輪胎除乾地發揮出色之外，響雨天排水性同對地抓著力嘅要求亦甚高。而呢款AVSES100輪胎除用上直角胎肩，以增強胎面對地接觸外，中間雙列式去水坑，配合單向胎紋設計，響雨天下重提供有順暢去水力，就連響濕滑嘅路面轉向，亦見循迹性強。其次，胎面花紋銳角修圓，重可以大大減低路噪。難得長途測試後，胎面損耗程度平均，耐用性自然可見一斑。