立法會又到放暑假休會嘅時間，諗返過去一個月，無論議員、官員定係記者都叫苦連天，反恐法、減薪法統統趕頭趕命，法律界議員吳靄儀就話，自己呢幾個月好多時做到半夜兩點先有得瞓，第二朝八點又要返到立法會開會，真係有氣冇命唞。
好彩有機會放假，佢下個月會去英國唞番夠本，乜都唔諗，返嚟再算。
講到反恐法，吳靄儀話自己好少同意劉漢銓講嘢，不過上星期葉劉淑儀鬧保皇黨議員唔去開會，搞到會議只得一種聲音，劉漢銓就話，佢哋支持政府，都冇乜意見好講，真係講得好啱喎。八方就覺得葉劉做咗自民聯（自由黨同民建聯）嘅黨鞭就真！
傳真︰2623-9278
電郵︰